Президент несие қарызына батып жүргендерге қатысты арнайы ұсыныс жариялайды

Azattyq Rýhy

Қасым-Жомарт Тоқаев азаматтардың несиелік қарызы күрделі мәселеге айналып бара жатқанын айтты

Президент несие қарызына батып жүргендерге қатысты арнайы ұсыныс жариялайды
Көрнекі фото: ашық дереккөзден

Мемлекет басшысы Жетісу облысы жұртшылығымен кездесу барысында мемлкеттік қызметшілердің әділ болуы керек екеніне айрықша тоқталды, деп хабарлайды Azattyq Ruhy.

«Шын мәнінде, әділдік болмаса, ешбір сала дамымайды. Халқымыз «Әділ істің – бәрі игі» деп бекер айтпаған. Құзырлы органдар, лауазымды тұлғалар шешім қабылдағанда осыны әрдайым есте ұстауға тиіс.

Әділетсіз қабылданған шешім биліктің беделін түсіреді. Қоғамға іріткі салып, халықтың наразылығын тудырады. Сондықтан, ешқашан әділдіктен аттауға болмайды. Барлық мемлекеттік қызметшіден әділ болуды талап етемін. Сонда ғана біз берекелі қоғам, мықты мемлекет боламыз, - деп атап өтті қасым-Жомарт Тоқаев. 

Президент сондай-ақ бүгінде еліміз үшін күрделі мәселеге айналған азаматтардың несие алып, қарызға батып жүргені жайында пікір білдірді.

«Мен тағы бір күрделі мәселеге тоқталғым келіп отыр. Елімізде көп адам несие алып, қарызға батып жүр. Бұл мәселе мені де қатты толғандырады. Таяу арада мен осы мәселе бойынша ұсынысымды халыққа жариялаймын», - деді ол.

×
Бұл желілік ресурстың ақпараттық өнімдері 18 жастан асқан адамдарға арналған.