Елімізде 10 айдың ішінде 70-тен астам микроқаржы ұйымы лицензиясынан айырылды

Жыл басынан бері ҚР Қаржы нарығын реттеу және дамыту агенттігі микроқаржылық қызметті жүзеге асыратын 72 ұйымды лицензиясынан айырды, деп хабаралайды Azattyq Ruhy.

Микроқаржылық қызметті жүзеге асыратын 72 ұйымның тізіміне 18 микроқаржы ұйымы, 42 ломбард және 8 кредиттік серіктестік кіреді.

«Агенттік микроқаржылық қызметке арналған лицензиядан айыру түрінде санкциялар қолданды. Лицензиядан айыруға мыналар негіз болды:

• 10 МҚҰ, 7 ломбард және 6 кредиттік серіктестік бойынша: лицензия алған күннен бастап қатарынан күнтізбелік алты ай ішінде қызметті жүзеге асырмау;
• 1 МҚҰ бойынша: уәкілетті органның жазбаша ұйғарымдарын жүйелі түрде (қатарынан күнтізбелік 12 ай ішінде үш және одан да көп рет) орындамау;
• 1 МҚҰ бойынша: қызметін заңдардың, уәкілетті органның, Ұлттық Банктің нормативтік құқықтық актілерінің талаптарын жүйелі түрде (қатарынан күнтізбелік 12 ай ішінде үш және одан да көп рет) бұза отырып жүзеге асыру, сондай-ақ заңнамалық түрде рұқсат етілмеген қызмет түрлерін жүзеге асыру;
• 6 МҚҰ, 39 ломбард және 2 кредиттік серіктестік бойынша: қайта ұйымдастыруға немесе таратуға байланысты қызметті ерікті түрде тоқтату», - делінген ҚР Қаржы нарығын реттеу және дамыту агенттігі таратқан хабрламада.

Сонымен қатар, Агенттік 50 айлық көрсеткішке дейінгі қысқа мерзімді онлайн микрокредиттер сегментінде жоғары өсімді байқап отыр. Осыған байланысты онлайн микрокредиттер бойынша берешектің шамамен 80%-ы үлесіне тиесілі 10 ірі ұйымды тексеруді жоспарлап отыр.