Нигерияда жойқын су тасқынынан 500-ге жуық адам қаза тапты

Соңғы айларда муссон басталғаннан бері Нигерияда су тасқыны 500-ге жуық адамның өмірін жалмады, 1,5 миллион адам үйлерінен кетуге мәжбүр болды. 45 мыңнан астам тұрғын үй қирап, 70 мың гектардан астам ауыл шаруашылығы алқаптары жойылды.

Жолдардың және инфрақұрылымның бүлінуіне байланысты бүкіл елде жанармай тапшылығы байқалады, Абуджадағы жанармай құю бекеттерінде кезектер пайда болды. Су тасқынының салдары барлық дерлік аймақтарға әсер етті, халыққа азық-түлік дағдарысы қауіп төндіріп тұр.

Қазіргі су тасқыны соңғы 10 жылдағы ең жойқын тасқын болды. Су тасқынының себебі – нөсер жаңбыр.

Метеорологиялық болжамдарға сәйкес, жауын-шашын қараша айының соңына дейін тоқтамайды.