Оңтүстік Корея мен АҚШ-тың бірлескен жаттығулары кезінде әскери базаға зымыран құлады

КХДР зымыран сынақтарына жауап ретінде АҚШ пен Оңтүстік Кореяның бірлескен жаттығуларында ұшырылған hyunmoo-2 баллистикалық зымыраны бірден әскери базаға құлады. Бұл туралы 5 қазанда Yonhap агенттігі Оңтүстік Кореяның әскери күштеріне сілтеме жасап хабарлады.

Оңтүстік Кореяның біріккен Штаб бастықтары мұны растады және оқиға салдарынан зардап шеккендер жоқ екенін хабарлады.

Осы күннің басында Оңтүстік Корея мен АҚШ Шығыс теңізге қарай төрт «Жер-жер» зымыранын бірлесіп ұшырды деп хабарланды. Бірлескен жаттығулар бір күн бұрын КХДР зымыранының ұшырылуына жауап болды.

Айта кетейік, Солтүстік Кореядан шыққан баллистикалық зымыран 4 қазанда Жапон теңізіне қарай атылып, Тынық мұхитының үстінен ұшып өтті. Жапонияда шұғыл ескерту жүйесі іске қосылды, содан кейін елдің солтүстік аймақтарының тұрғындары эвакуациялауға шақырылды.

Оңтүстік Корея мен АҚШ КХДР зымыранын ұшыруды айыптады, ал американдық тарап Пхеньянды жауапқа тарту үшін одақтастармен ынтымақтасуға ниет білдірді.