Нұр-Сұлтан атауы халық арасында көп қолданылмайды - Мәжіліс депутаты

Нұр-Сұлтан атауы халық арасында көп қолданылмайды. Мұндай пікірді Мәжіліс депутаты Наталья Дементьева айтты, деп хабарлайды Azattyq Ruhy Elorda.info сайтына сілтеме жасап.

«Астана атауын қайтарып беру ұсынысын қолдаймын. Баршамызға мәлім, Нұр-Сұлтан атауы халық арасында онша қолданылмайды. Халық қарсы шықпаса да, күнделікті өмірде елорданы Астана деп қабылдайды. Тіпті солай қолданады. Менде достарыммен күнделікті өмірде Астана деп айтып отырамын. Бұл дұрыс шешім деп ойлаймын. Мұны халық дұрыс қабылдады және қолдады», - деді Мәжіліс депутаты Наталья Дементьева.