Абай облысында жаппай төбелеске қатысқандар ұсталды

Абай облысының полицейлері бұзақылық жасап, төбелес бастаған күдіктілерді ұстады, деп хабарлайды Azattyq Ruhy аймақтық ПД баспасөз қызметіне сілтеме жасап.

Әлеуметтік желілерде Шар қаласының Жарма ауданында бір топ жас жігіттер арасындағы жанжалдың бейнежазбасы жарияланған.

«Аталған факті бойынша дереу тексеру амалдары басталып, оның барысында осы оқиғаға қатысы бар адамдар анықталып, ұсталды. Қазіргі уақытта ҚР ҚК 293-бабы 2-бөлігі (бұзақылық) бойынша сотқа дейінгі тергеу жүргізілуде, жанжалдың барлық мән-жайлары анықталуда», - деп көрсетті Абай облыстық ПД.

Қазіргі уақытта Шар қаласында жедел жағдай тұрақты.

Аталған факт Абай облысы Полиция департаментінің бақылауында.