Жамбыл облысында шекара аумағынан қапқа салынған граната мен қару-жарақ табылды

Жамбыл облысында қылмыстық атқару жүйесі қызметкерлері шекара аумағынан қапқа салынған қару-жарақ тапты, деп хабарлайды Azattyq Rýhy.

Жамбыл облысында республикалық жедел алдын алу іс-шарасы барысында Қазақстан -  Қырғызстан шекара сызығынан шамамен бір шақырым жердегі ордан полиэтилен қапқа салынған қару-жарақ тапты.

«Өңірлік ҚАЖ департаментінің жедел уәкіл қызметкерлері тәркілеген қаптың ішінен 1 бірлік 5,6 мм калибрлі ұсақ калибрлі «Тоз 8» маркалы винтовка, РГД-5 гранатасы және 50 дана 5,6 мм калибрлі патрондар табылды», - делінген хабарламада.