ШұғылCOVID-19: Қазақстанда 14 адам өкпені жасанды желдету аппаратына қосылған

Павлодар облысында автокөлік пен алты тонна шөп өртеніп кетті

Бұл туралы облыстық төтенше жағдайлар департаментінің баспасөз қызметі хабарлады

Фото: ашық дереккөзден

Шарбақты ауылында 1989 жылы шығарылған BMW жеңіл автокөлігі, сол күні түнде Ақсу ауылдық аймағының Еңбек ауылында алты тонна шөп жанып кетті, деп хабарлайды Azattyq Rýhy тілшісі pavlodarnews.kz-ке сілтеме жасап. Бұл туралы облыстық төтенше жағдайлар департаментінің баспасөз қызметі хабарлады. 

«5 ақпан күні сағат 12:42-де Шарбақты ауылында ашық аумақта газ отынындағы 1989 жылы шығарылған BMW жеңіл автокөліктің мотор бөлігінде от шығып бір жарым шаршы метр аумақта резеңке-техникалық бұйымдар жанған», - деді ТЖД баспасөз қызметінде. 

Оған қоса, сол күні сағат 23:13-те Ақсу ауылдық аймағының Еңбек ауылында № 12 өрт сөндіру бекетінен 25 шақырым жерде ашық аумақта жалпы ауданы 50 шаршы метрді қамтыған 6 тонна шөп жанып кетті. Өрт салдарынан келген шығын анықталуда. Алдын ала мәліметтер бойынша, шөптің өртенуіне тұрғындардың отпен абайсыз болуы себеп болған.