«280 млн теңге заңсыз кіріс алған»: Ақмола облысында тау-кен саласындағы заңсыз кәсіпкерлікке қатысты іс аяқталды

ҚМА Ақмола облысы бойынша департаментімен тау-кен саласындағы заңсыз кәсіпкерлікке қатысты іс аяқталды. Бұл туралы Azattyq Ruhy ведомствоның баспасөз қызметіне сілтеме жасап хабарлайды.

Тергеу барысында азамат Ибраевтың Жолымбет кен орнындағы учаскеге ғана барлау жұмыстарын жүргізуге келісімшартқа отырып, құрамында алтыны бар кварц кенін заңсыз өндірумен айналысып, кейін оларды үшінші тұлғаларға өткізгені анықталды.

«Нәтижесінде ол аса ірі көлемде жалпы сомасы 280 млн теңгені құрайтын заңсыз кіріс алған.

Сот үкімімен сотталушы келтірілген залалды республикалық бюджетке толық өтеп, 2,5 жылға бас бостандығынан шектеу жазасы тағайындалды», - делінген хабарламада.