Түркістан облысында ауласына есірткі еккен адам ұсталды

Келес ауданында ауласына 3,5 келіге жуық сора егіп, «марихуана» сақтаған азамат ұсталды. Бұл туралы Azattyq Ruhy Otyrar.kz-ке сілтеме жасап хабарлайды.

Күдіктінің үйінен 19 түп күтіп-баптап өсірілген есірткі затына ұқсас өсімдік пен кептірілген ұнтақ табылды. Сондай-ақ есірткі қолдануға арналған арнайы бөтелкеден қолдан жасалған құрал тәркіленіп алынды. Тәртіп сақшыларының айтуынша, тұрғын есірткі затын өзі қолдану мақсатында өсіргенін мойындаған.

«Қазіргі таңда ҚР ҚК-нің 300-бабы «Құрамында есiрткi заттар бар, өсiруге тыйым салынған өсiмдiктердi заңсыз егіп-өсіру» мен ҚК 296-бабына «Есірткі, психотроптық заттармен, сол тектестермен өткізу мақсатынсыз заңсыз жұмыс істеу» сәйкес тергеу әрекеттері жүргізілуде», - дейді Түркістан облыстық ПД баспасөз хатшысы Гүлнар Әбдіжаппарова.