Елордаға Грузия премьер-министрі ресми сапармен келді

Бүгін кешке Қазақстанға ресми сапармен Грузия Үкіметінің басшысы Ираклий Гарибашвили келді. Бұл туралы primeminister.kz сайтында жарияланды, деп хабарлайды Azattyq Rýhy.

 Нұр-Сұлтан қаласының әуежайында И. Гарибашвилиді ҚР Премьер-Министрінің орынбасары – сауда және интеграция министрі Бақыт Сұлтанов қарсы алды.

 «Екікүндік сапар аясында Грузия үкіметінің басшысы Қазақстан басшылығымен келіссөздер өткізуді жоспарлап отыр. Тараптар екіжақты сауда-экономика ынтымақтастығын тереңдету мәселелерін талқылайды. Сонымен қатар Грузия Премьер-министрі «Астана» халықаралық қаржы орталығының жұмысымен танысады», - делінген хабарламада.