Батыс Қазақстанда қысқа жиналған 600 тонна шөп өртеніп кетті

Батыс Қазақстан облысы, Теректі ауданы, Богдановка ауылдық округі «Радуга» ЖШС аумағында 2405 бума шөп жанып кетті, деп хабарлайды Azattyq Ruhy.

Өрт сөндіруге БҚО Төтенше жағдайлар департаментінің 1 техникасы мен жеке құрамынан 4 адам жұмылдырылды. Сонымен қатар ЕӨСҚ 10 адам 3 трактор және 1 су құйғыш техникасы тартылды.

«Өрттің салдарынан 600 тонна шөп жанып кетті. Өрт сағат 07: 22 минутта оқшауланды», - деп көрсетті БҚО ТЖД баспасөз қызметі.