Беларусь ШЫҰ-ға мүше болуға ресми түрде өтінім берді

Беларусь мүше мемлекет ретінде Шанхай Ынтымақтастық Ұйымына (ШЫҰ) кіруге ресми түрде өтінім берді. Бұл туралы Azattyq Ruhy ТАСС ақпарат агенттігіне сілтеме жасап хабарлайды.

Бұл туралы ШЫҰ Бас хатшысы Чжан Мин мәлімдеді.

«Беларусь жақында ШЫҰ-ға толық құқылы мүше ретінде кіруге ресми түрде өтініш берді», - деді ол.

Оның айтуынша, Беларусь елінің ШЫҰ-ға кіру процесі заңмен белгіленген рәсімдер бойынша жақын арада басталады.

Шанхай ынтымақтастық ұйымы – Ресей, Үндістан, Қытай, Қазақстан, Қырғызстан, Пәкістан, Тәжікстан және Өзбекстан елдері кіретін өңірлік халықаралық бірлестік.