Wildberries дүкен сайтында контрафактілік өнімдер сатылады деген ақпаратты жоққа шығарды

Wildberries компаниясы дүкен сайтында контрафактілік өнімдер сатылады деген ақпарат шындыққа жанаспайды деп мәлімдеді. Бұл туралы Azattyq Ruhy Известия басылымына сілтеме жасап хабарлайды.

Маркетплейстің баспасөз қызметі Wildberries жасанды интеллект негізінде контрафактіні анықтайтын автоматтандырылған жүйе әзірлеп жатқанын мәлімдеді.

«РФ Өнеркәсіп және сауда министрлігі, Федералды монополияға қарсы қызмет және басқа да ведомстволармен бірлесіп, Ресей нарығында күдік тудыратын өнімдердің пайда болуына қарсы әрекет етудеміз. Сонымен қатар Wildberries компаниясы бұл бағыттағы жұмыстың тиімділігін арттыруға мүмкіндік беретін AI жасанды интеллекті негізінде контрафактіні анықтау жүйесін әзірлеп жатыр», - делінген хабарламада.

Бұған дейін Ресейдің Өнеркәсіп және сауда министрлігі тауарлар айналымын заңдастыру және тауарларды цифрлық маркілеу жүйесі департаменті директорының орынбасары Владислав Заславский Думада өткен дөңгелек үстел отырысында Wildberries контрафактілік өнімдерді өткізу арнасына айналып барады деген болатын. Ол маркетплейсте рецепт бойынша сатылатын дәрі-дәрмектер, биологиялық белсенді қоспалар мен қымбат аяқ киімдер сату жағдайы тіркелгеніне назар аударды.