Нұр-Сұлтанда «Елорда Бәйгесі» өтеді

6 шілде күні «Қазанат» атшабарында қала күніне орай «Елорда Бәйгесі» республикалық турнирі өтеді, деп хабарлайды Azattyq Ruhy Нұр-Сұлтан қаласы әкімдігіне сілтеме жасап.

Бәйгеге Нұр-Сұлтан, Алматы және Шымкент қалалары мен еліміздің барлық облысынан 150-ден астам таңдаулы жүйрік қатысады.

Шабандоздар 9 шақырымдық құнан бәйге, 16 шақырымдық кіші аламан және 21 шақырымдық аламан бәйге бойынша сынға түседі.

Жарыстың жалпы жүлде қоры – 20 000 000 теңге.

Бәйге бағдарламасында «Нұр-Сұлтан қаласы Кубогіне арналған Қостанай жылқысының бәйгесі» республикалық турнирі өтеді. Бұл туралы ҚР Ұлттық спорт қауымдастығының атқарушы директоры Рахат Жақсыбай мәлім етті.

«Елордада өтетін Қостанай жылқысы бәйгесі биыл үшінші рет ұйымдастырылып отыр. Қазақтың қазанаты саналатын Қостанай тұқымды жылқылары ұшқыр (1,4 км, 2,4 км), құнан (7 км) және аламан бәйге (20 км) түрлері бойынша бақ сынайды. Бәйгенің жалпы жүлде қоры – 9 миллион теңге», - дейді Рахат Жақсыбай.