Өзбекстан ІІМ Қарақалпақстандағы митингілерге қатысты түсініктеме берді

Azattyq Rýhy

Қазіргі уақытта қоғамдық тәртіп қалпына келтірілді

Өзбекстан ІІМ Қарақалпақстандағы митингілерге қатысты түсініктеме берді
Фото ашық дереккөзден

Қарақалпақстанның бас қаласы – Нүкісте тұрғындар митингке шықты. Бұған қатысты Өзбекстанның ІІМ ресми түсініктеме берді, деп хабарлайды Azattyq Rýhy ведомствоның Телеграмм-арнасына сілтеме жасап.

Өзбекстан ІІМ мәліметінше, заңсыз демонстрациялар 1 шілдеде сағат 15.00-де "республикада жүргізіліп жатқан конституциялық реформаларды дұрыс түсіндірмеу нәтижесінде" басталған. Қарақалпақстан тұрғындары қала бойынша шерулер ұйымдастырды, осыдан кейін олар орталық дехкан базарының аумағына жиналып, заңсыз демонстрация ұйымдастырған.

"Қоғамдық тәртіпті бұзуға жол бермеу және азаматтардың түрлі құқықбұзушылықтарды жасауына жол бермеу мақсатында дехкан базарының аумағында құқық қорғау органдарының күштері мен құралдары жұмылдырылды. Қазіргі уақытта қоғамдық тәртіп қалпына келтірілді, азаматтармен заңнаманы бұзуға жол бермеу туралы түсіндіру, сондай-ақ азаматтардың өтініштерін белгіленген тәртіппен қарау бойынша жұмыстар жүргізіліп жатыр", - делінген ресми хабарламада.

×
Бұл желілік ресурстың ақпараттық өнімдері 18 жастан асқан адамдарға арналған.