БҚО-да өз үйінің ауласына сора есірткісін еккен ауыл тұрғыны ұсталды

Батыс Қазақстан облысы Жаңақала ауданы, Қызылорда ауылының тұрғыны өз үйінің ауласына сора өсімдігін еккен, деп хабарлайды Azattyq Rýhy.

«БҚО полиция Департаментінің экстремизмге қарсы іс-қимыл және есірткі қылмысына қарсы іс-қимыл басқармасының қызметкерлері 48 жастағы азаматтың үйінің ауласынан 427 түп культивацияланған сора, суаратын шланг, темекі шегуге арналған құрылғы тәркіледі», - деп көрсетті ведомство өкілдері.

Аталған факті бойынша ҚР ҚК 300-бабы 1-бөлігімен (құрамында есірткі заттары бар, өсіруге тыйым салынған өсімдіктерді заңсыз өсіру) сотқа дейінгі тергеу басталды.