79 рет жол ережесін бұзған жүргізушіге 1,6 млн теңге айыппұл салынды
Тәртіп бұзушының көлігі қарызы толық өтелгенше арнайы тұраққа қойылды
Шығыс Қазақстан облысында жол ережесін бұзғыш Land Rover жүргізушісі 79 рет жол ережесін бұзып, 1 млн 600 мың теңге айыппұл арқалады, деп хабарлайды Azattyq Rýhy.
13 маусымнан бастап қолға алынған "Борышкер" профилактикалық іс-шарасы аясында жол ережесін жиі бұзатын азамат анықталды.
«Өскемен қаласында жол ережесін үнемі бұзушы 26 жастағы тұрғын анықталды. Оның атына жалпы сомасы 1 млн 600 мың теңге болатын 79 әкімшілік айыппұл жиналған. Тәртіп бұзушының көлігі қарызы толық өтелгенше арнайы тұраққа қойылды», - дейді ШҚО ПД бастығының бірінші орынбасары подполковник Елдос Закимовү
"Борышкер" жедел алдын алу іс-шарасының алғашқы күнінде тәртіп сақшылары пәтерлерді және аулаларды шолу кезінде жалпы сомасы 17 млн теңге әкімшілік айыппұлдары бойынша берешегі бар 2 мыңнан астам азаматқа ескерту жасады.
