Көкшетауда жаппай төбелес болды

Көкшетауда жаппай төбелеске қатысқан 6 адам ұсталды, деп хабарлайды Azattyq Rýhy.

Көкшетау қаласы полицейлері бейнебақылау камераларынан ойын-сауық мекемелерінің бірінің жанында төбелес болып жатқанын байқап, дереу оқиға орнына жеткен.

Полицейлер төбелесіп жатқан жігіттерді ажыратып, оқиға орнынан қашып кетпек болғандарды ұстаған.

 «Төбелеске қатысқандардың барлығы, яғни 34, 29, 26 және 25 жастағы алты ер адам медициналық куәландыруға жіберілді. Одан кейін әрі қарай тексеру үшін Көкшетау қаласының полиция басқармасына жеткізілді. Қазір ҚР ҚК 293-бабы 2-бөлігі (бұзақылық) бойынша сотқа дейінгі тергеу амалдары жүріп жатыр», - деп көрсетті Ақмола облыстық Полиция департаменті.