Бірқатар судья қызметінен айырылды: Қазақстанда 14 сот таратылды

Мемлекет басшысы Қасым-Жомарт Тоқаев «Кейбір аудандық және оған теңестірілген соттарды тарату туралы» жарлыққа қол қойды, деп хабарлайды Azattyq Rýhy.

Осылайша, барлығы 14 сот таратылды:

• Ақтөбе облысы Мұғалжар ауданының №2 аудандық соты;
• Батыс Қазақстан облысы Теректі ауданының №2 аудандық соты;
• Қарағанды ​​облысы Абай ауданының №2 аудандық соты;
• Қостанай облысы Қарасу ауданының №2 аудандық соты;
• Маңғыстау облысы Жаңаөзен қаласының әкімшілік құқық бұзушылықтар жөніндегі мамандандырылған соты;
• Павлодар облысы Екібастұз қаласының әкімшілік құқық бұзушылықтар жөніндегі мамандандырылған соты;
• Павлодар облысының Павлодар аудандық соты;
• Солтүстік Қазақстан облысы Айыртау ауданының №2 аудандық соты;
• Солтүстік Қазақстан облысы Ғабит Мүсірепов атындағы ауданның №2 аудандық соты;
• Солтүстік Қазақстан облысы Тайынша ауданының №2 аудандық соты;
• Солтүстік Қазақстан облысы Тайынша ауданының №3 аудандық соты;
• Шығыс Қазақстан облысы Күршім ауданының №2 аудандық соты;
• Шығыс Қазақстан облысы Катонқарағай ауданының №2 аудандық соты;
• Шығыс Қазақстан облысы Ұлан ауданының №2 аудандық соты.

Сондай-ақ осы қаулы арқылы бірқатар судья қызметке тағайындалып, бірқатары қызметінен босатылды. Оның ішінде Нұр-Сұлтан қалалық сотының төрағасы Тілектес Бәрпібаев отставкаға кетуіне байланысты қызметінен босатылды. Құжатта соттың жаңа басшысын тағайындау туралы мәлімет жоқ.