Теміртауда жас баланы зорлады деп күдікке ілінген адам камерада суицид жасады

Azattyq Rýhy

Сотқа дейінгі тергеу басталды

Теміртауда жас баланы зорлады деп күдікке ілінген адам камерада суицид жасады
Фото ашық дереккөзден

Теміртау қалалық сотының уақытша ұстау камерасында қамауға алынған адам суицид жасады. Бұл туралы Қарағанды облыстық ПД баспасөз қызметі мәлім етті, деп хабарлайды Azattyq Rýhy.

Төтенше жағдай 57 жастағы күдіктіге қатысты бұлтартпау шарасын санкциялағаннан кейін болған.

«Тергеуге алынған адам кәмелетке толмаған балаға сексуалдық сипаттағы зорлық-зомбылық жасады деген күдікке ілінді. Аталған факті бойынша Қылмыстық кодекстің 105-бабының 1-бөлігі «Өз-өзіне қол жұмсауға жеткізу» бойынша сотқа дейінгі тергеу жүріп жатыр», - деп хабарлады Қарағанды облысының полиция департаменті.

 Облыстық соттың баспасөз қызметі күдікті сот ғимаратының арнайы изоляторының камерасына қамалғанын, сол жерде асылып, өзіне қол жұмсады деп мәлімдеді.

Қарағанды облысы ПД өзіндік қауіпсіздік басқармасы Теміртау қаласы полиция басқармасы қызметкерлерінің қызметтік міндеттеріне немқұрайлы қарау фактісі бойынша сотқа дейінгі тергеуді бастады.

 

 

×
Бұл желілік ресурстың ақпараттық өнімдері 18 жастан асқан адамдарға арналған.