Шығыс Қазақстанда үш мектепте карантин жарияланды

Бұған дейін қаладағы екі мектепте карантин жарияланған

Фото: ашық дереккөзден

Шығыс Қазақстандағы Алтай қаласында 582 оқушы жедел респираторлық-вирустық инфекциясын (ЖРВИ) жұқтырған, - деп хабарлайды YK-news.kz.

28 қаңтар мен 3 ақпан аралығында №1 бастауыш мектебі мен №9, №11 мектептерде карантин жарияланды.

Аудандық тауарлар мен көрсетілетін қызметтердің сапасы мен қауіпсіздігін бақылау басқармасының мәліметі бойынша, оқу орнында балалардың 30 пайызы сырқаттанса, карантин жарияланады.

Алтайда барлығы сегіз мектеп бар, оның екеуі бастауыш мектептер.

25-31 қаңтар аралығында қаладағы №6 және №8 мектептерде карантин жарияланғанын айта кетейік.

Мақалада

#мектеп #ШҚО #карантин

Алдыңғы жаңалық

Нұр-Сұлтандағы төтенше жағдайға байланысты материалдық резервтен 200 млн теңге бөлінеді