Қосшыда жалға алған үйінде есірткі өсіріп келген Ресей азаматы ұсталды

Azattyq Rýhy

Ер адам 2011 жылдың тамыз айынан бастап мемлекетаралық іздеуде жүрген

Қосшыда жалға алған үйінде есірткі өсіріп келген Ресей азаматы ұсталды
Ақмола облысы ПД

Қосшыда жалға алған үйінде есірткі өсіріп келген Ресей азаматы ұсталды. Бұл туралы Ақмола облыстық ПД баспасөз қызметі мәлім етті, деп хабарлайды Azattyq Rýhy.

Департамент мәліметінше, Қосшы қалалық полиция бөлімінің есірткі қылмысына қарсы іс-қимыл басқармасының қызметкерлері «Лесная поляна» тұрғын үй массивінің аумағында 31 жастағы жергілікті тұрғынды ұстаған. Ер адамнан темекі шегуге арналған қолдан жасалған құралдар және өсімдік тектес зат, ерекше иісі бар 100-ге жуық сіріңке қорабы тәркіленді. Алынған зат марихуана екені анықталды.

«Полиция қызметкерлері табылған есірткіні сату жолын анықтау мақсатында Қосшы қаласында жүргізген арнайы операция барысында Ресей Федерациясының 39 жастағы азаматын ұстады. Шетелдік жалдап тұрған үйден кептірілген белгілі бір иісі бар сұр-жасыл өсімдік тектес зат, сондай-ақ, салмағы 19 кг болатын өсімдіктің 35 бұтасы тәркіленді. Сонымен бірге, есірткі өсіруге және өндіруге арналған әртүрлі құрылғылар, соның ішінде күн сәулесін модельдеуге арналған арнайы шамдар, топыраққа арналған тыңайтқыш және температура сенсорлары табылды», - деді ведомстводан.

Ер адам 2011 жылдың тамыз айынан бастап Ресей Федерациясы Қылмыстық кодексінің 111-бабы бойынша мемлекетаралық іздеуде жүрген.

«Қазіргі уақытта ҚР ҚК 297-бабы 2-бөлігіне сәйкес құрамында есірткі бар өсімдіктерді заңсыз өсіру дерегі бойынша қылмыстық іс қозғалды. Полиция қызметкерлері қажетті тергеу шараларын жүргізіп жатыр. Айыпталушы қамауға алынды», - деп толықтырды ведомстводан.

×
Бұл желілік ресурстың ақпараттық өнімдері 18 жастан асқан адамдарға арналған.