Ақтөбеде лотерея клубын тонаған ұры ұсталды

Azattyq Rýhy

27 жастағы ақтөбелік он жылға дейін сотталып, дүние-мүлкі тәркіленуі мүмкін

Фото ашық дереккөзден

Ақтөбеде лотерея клубын тонаған ұры ұсталды. Күдікті деп танылған 27 жастағы жігіт қамауға алынып, тергеліп жатыр, деп хабарлайды Azattyq Rýhy.

Күдікті кешкілік клубтың ішін бір шолып шығады. Адам аздығын білген ол сырттан бос бөтелке тауып қайта кіреді. Әкімші қызды басынан ұрамын деп қорқытып, кассадағы барлық ақшаны қалтасына салып алған. Сондағы күзетші де бөтелкеден қорқып, қарақшыға түк істей алмапты. Кассадан сол күні түскен 550 мың теңге қолды болған. Енді клубты тонағаны үшін 27 жастағы ақтөбелік он жылға дейін сотталып, дүние-мүлкі тәркіленуі мүмкін.

 

×
Бұл желілік ресурстың ақпараттық өнімдері 18 жастан асқан адамдарға арналған.