Қазақстанда 2024 жылы көгілдір отын қымбаттауы мүмкін

Azattyq Rýhy

Бұл туралы Энергетика министрі Болат Ақшолақов айтты

Фото: ашық дереккөзден

Қазақстанда 2024 жылға қарай газ бағасы көтерілуі мүмкін, деп хабарлайды Azattyq Rýhy.

"Біріншіден, бұған дейін газ тұтыну бағасы елімізде айтарлықтай арзан болып келді. Екіншіден, іштегі бағаны экспорттың есебінен жабу жүйесі жұмыс істеген еді. Яғни, экспорттан түсетін жоғары табыстың есебінен ішкі бағаны ұстап тұру мүмкін болды. Бірақ ішкі тұтыну көлемі артқанымен, газ өндіру көлемі артпай отыр. Сондықтан экспорт көлемін азайтуға мәжбүрміз", - деді Энергетика министрі Болат Ақшолақов Үкімет отырысында.

Оның айтуынша, газ экспортының қысқаруына байланысты Үкімет 2024 жылы көгілдір отынның құнын арттыруға мәжбүр болады.

"2024 жылы экспорт көлемі нөлге теңеледі деп күтіп отырмыз. Демек, мүлде экспорт болмауы мүмкін. Соның салдарынан ішкі бағаны ынталандыру тетігі қалмайды. Яғни, газ бағасын көтеру керектігін ойлай бастаймыз деген сөз", - деді министр.

×
Бұл желілік ресурстың ақпараттық өнімдері 18 жастан асқан адамдарға арналған.