Петропавлдағы орталық қызметкерлері бір келі макаронды 17 млн теңгеге алмақ болған

Azattyq Rýhy

Мемлекеттік тапсырыстағы қаржылық құйтырқылықты сыбайлас жемқорлыққа қарсы күрес қызметкерлері анықтады

Фото: orda.kz

Петропавлдағы әлеуметтік бейімдеу орталығының қызметкерлері 17 млн теңгеге бір келі макарон сатып алмақ болған, деп хабарлады "Хабар24". 

Мемлекеттік тапсырыстағы қаржылық құйтырқылықты сыбайлас жемқорлыққа қарсы күрес қызметкерлері анықтады. Олардың араласуынан кейін оның бағасы 250 теңгеге төмендетілді. Ал Айсары ауылдық округінің әкімдігі көмірдің бір тоннасын 900 мың теңгеге бағалаған. Құзырлы орган мамандары мемлекеттік сатып алу порталын үнемі тексеріп, осындай деректерді дер кезінде тоқтатады. Жалпы бірінші тоқсанда 600 млн теңгеге жуық қаржы үнемделді. 

"Бірінші жағы ол соманы асырып әдейі кейіннен бұл сомадан мысалы, ақшаны жымқыруы мүмкін. Бұл яғни әдейі істелуі мүмкін. Ол сыбайлас жемқорлық тәуекелдері. Ал екінші жағы кей кезде былай біз көріп жатқанымыздай, қателіктер болады", - Нұрлан Жахин СҚО Сыбайлас жемқорлыққа қарсы күрес қызметі басшысының бірінші орынбасары. 


 

×
Бұл желілік ресурстың ақпараттық өнімдері 18 жастан асқан адамдарға арналған.