Жаңбыр, тұман, шаңды дауыл: алдағы үш күнге арналған ауа райы болжамы жарияланды

«Қазгидромет» РМК Қазақстан бойынша 12-14 сәуір аралығына арналған ауа райы болжамын жариялады, деп хабарлайды Azattyq Rýhy.

Атмосфералық фронтальді бөліктердің өтуімен, Қазақстан аумағының басым бөлігінде тұрақсыз ауа райы күтіледі — жаңбыр жауады, оңтүстік жартыда найзағаймен, екпінді желмен бірге қатты жаңбыр болады деп болжанады.

«Республиканың солтүстік-шығысында ғана жауын-шашынсыз ауа райы болмақ. Елде тұман, батыста және оңтүстікте шаңды дауыл болады.

Күндіз Қазақстанның батысында ауа температурасының ауытқуы 10-18-ден 18-26-ға дейін, солтүстік, шығыс және орталық өңірлерде — 10-17-ден 15-26-ға дейін, ал республиканың оңтүстік жартысында термометрлер 22-32-ге дейін көтеріледі», - делінген «Қазгидромет» РМК хабарламасында.