Қазақстандық таэквондошы әлемдік рейтингте бірінші орында тұр

Azattyq Rýhy

Мұндай жетістік Қазақстан таэквондосы тарихында алғаш рет болып отыр

 

Қазақстандық таэквондошы әлемдік рейтингте бірінші орында тұр

Қазақстан таэквондодан тарихи жетістікке жетті. Қазақстандық таэквондошы Жансель Дениз жаңартылған әлемдік рейтингте бірінші орынға көтерілді, деп хабарлайды Azattyq Rýhy тілшісі Sports.kz-ке сілтеме жасап.

Мұндай жетістік қазақстандық таэквондо тарихында алғаш рет болып отыр.

Әйелдер арасында 73 келіге дейінгі салмақта Дениз 139,81 ұпаймен көш бастап тұр. Екінші орында ресейлік Полина Хан (107,94), үшінші орында оңтүстіккореялық Да Бин Ли (105,60) тұр. Рейтингтің алдыңғы нұсқасында Жансель Дениз төртінші орында болған.

Отандасымыздың спорт мансабындағы ең елеулі жетістіктері: 2018 жылы Джакартада (Индонезия) өткен Азия ойындарының күміс жүлдесін және 2017 жылы Тайбэйде (Тайвань) өткен жазғы Универсиаданың күміс жүлдесін ұтып алған болатын. Ол сондай-ақ халықаралық түрлі турнирдің чемпионы және жүлдегері.

×
Бұл желілік ресурстың ақпараттық өнімдері 18 жастан асқан адамдарға арналған.