Ақтауда энергетикалық комбинатқа айыппұл салынды

Azattyq Rýhy

Кәсіпорынға салынған айыппұл көлемі – 2 млн 450 мың теңге

Фото ашық дереккөзден

Ақтауға суық, ыстық және техникалық су беріп отырған энергетикалық комбинат тұтынушыларға 70 млн теңгеге жуық қаражатты қайтаруы тиіс, деп хабарлайды Azattyq Rýhy.

 1 сәуірде Табиғи монополияларды реттеу агенттігінің өңірлік департаменті кәсіпорында жоспардан тыс тексеріс жүргізді. Нәтижесінде ыстық судың тарифіне шығындардың заңсыз қосылғаны анықталды. Өкілетті орган кәсіпорынға 2 млн 450 мың теңге айыппұл салды. Әрі артық төлемдерді кері қайтаруды міндеттеді.

«Қайта есептеуді қолданыстағы тарифті дифференциалдау арқылы кезең-кезеңімен жүргізетін боламыз. Өйткені бұл үлкен жұмыс. Әр тұрғынның артық төлемі жеке сәйкестендіру номері арқылы анықталатын болады. Бізге берілген ұйғарым орындалады», - деді энергетикалық комбинат басшысының орынбасары Руслан Бектемір.

×
Бұл желілік ресурстың ақпараттық өнімдері 18 жастан асқан адамдарға арналған.