Батыс Қазақстан облысында 170-тен астам тұрғын үйді су басты

Azattyq Rýhy

ЖАО және Шекара қызметінің күшімен 637 адам эвакуацияланды

Батыс Қазақстан облысында 170-тен астам тұрғын үйді су басты
ТЖМ баспасөз қызметі

3 сәуір күні Жәнібек ауданында қардың еруі мен жауын-шашынның жаууы салдарынан 2 елді мекенді су басты. Бұл туралы ТЖМ баспасөз қызметі мәлім етті, деп хабарлайды Azattyq Rýhy.

Жақсыбай ауылында шамамен 170 тұрғын үй су астында қалды, ЖАО және Шекара қызметінің күшімен 637 адам эвакуацияланды, оның ішінде 305 адам, оның ішінде 89 бала М.Б. Ықсанов атындағы мектеп-балабақша кешенінде және 332 адам туыстарының үйлеріне орналастырылды.

Таловка ауылында 2 тұрғын үй су астында қалды. 8 адам эвакуацияланды, оның ішінде 2 бала туыстарына орналастырылды.

ТЖД, ЖАО, Шекара қызметінің күштерімен аулаларды аралау жүргізіледі, кезекшілік ұйымдастырылды.

Атырау облысының Төтенше жағдайлар департаменті Батыс Қазақстанға қосымша МИ-8 тікұшағымен қажетті құрал-жабдықтармен 12 құтқарушы және автокөлікпен күштер мен құралдарды, жеке құрамнан 34 адам және 4 бірлік техника жіберілуде.

Сондай-ақ, облыс орталығынан жеке құрамнан 20 адам және 3 бірлік техникадан тұратын қосымша күштер мен құралдар қалыптастырылды.

×
Бұл желілік ресурстың ақпараттық өнімдері 18 жастан асқан адамдарға арналған.