Әкімдерде үш орынбасар ғана болуы керек – Президент

Өңірдегі халық санына байланысты әкімдік аппаратын қыстарту ұсынылды. Бұл туралы Мемлекет басшысы Қасым-Жомарт Тоқаев Парламент палаталарының бірлескен отырысында Қазақстан халқына Жолдауын жариялау кезінде мәлімдеді, деп хабарлайды Azattyq Rýhy.

«Әкімдердің үш орынбасары ғана болу керек. Ары кеткенде төрт орынбасар. Бұл мәселені Президент Әкімшілігі өз құзыретіне алуы қажет. Осы ретте институттарды жергілікті басқару орындарының жұмысына араластыру керек. Жергілікті өзін өзі басқаруға жергілікті мәслихат жетекшілік етуі тиіс.

Жергілікті өңірлердің қаражатын қайта қарау керек. Қазір ауыл-аймақтар тек әкімнің қолына қарап отыр», - дейді Президент.