Бала құқығы туралы заң жобасы Сенатқа жіберілді

Azattyq Rýhy

Құжат кәмелетке толмағандардың түрлі саладағы құқығын қамтамасыз етуге бағытталған

Бала құқығы туралы заң жобасы Сенатқа жіберілді
Фото: ашық дереккөзден

Мәжіліс депутаттары Бала құқықтарын қорғау туралы заңның жобасын Сенат қарауына жіберді, деп хабарлайды Azattyq Rýhy.  

Құжат кәмелетке толмағандардың түрлі саладағы құқығын қамтамасыз етуге бағытталған. Мәселен, оларды тұрғын үймен қамтамасыз ету, білім алу мүмкіндігін беру мен интернеттегі буллингке шектеу қою сынды нормалар қарастырылған. Енді тәулігіне 100 мың адамдық аудиторияны жинайтын шетелдік интернет порталдарды қадағалайтын өкілдер тағайындалады. Олар 24 сағат ішінде жасөспірімдерге зиян тигізетін әрі ел заңнамасын бұзатын ақпараттарды жоя алады. Ал ерекше қажеттілігі бар балалар үшін ауруханалар мен емханалар негізінде оңалту орталықтарын құру жоспарда бар.

×
Бұл желілік ресурстың ақпараттық өнімдері 18 жастан асқан адамдарға арналған.