ШҚО-да небәрі екі айда 1,1 мыңнан астам қылмыстық іс тіркелді

ШҚО-да қаңтар айынан бері өңір аумағында «Құқықтық тәртіп» жедел алдын алу шарасы жүріп жатыр, деп хабарлайды Azattyq Rýhy.

Полиция департаменті осы уақыт аралығында 1106 қылмыс тіркеліп, оның 723-і ашылғанын мәлім етті.

«Есірткі заттарын заңсыз сақтаудың 42 фактісі анықталған. Сондай-ақ 13 803 әкімшілік құқық бұзушылық тіркелді. Атап айтқанда, ұсақ бұзақылық жасаған 3 469 адам, қоғамдық орында мас күйде жүрген 4 906 адам, ішімдік ішіп көлік тізгіндеген 197 адам жауапқа тартылды», - делінген ведомство таратқан хабарламада.

Шара барысында барлығы 13 207 үй тексерілген. Бұдан бөлек, 1 471 қараусыз қалған ғимарат, 7 154 саяжай, жалға берілетін 4 096 пәтерге тексеру жүргізілді.