Алматыда екі ер адам ломбард қызметкерлерін алдап, тонап кеткен

Azattyq Rýhy

Іздестіру нәтижесінде 24 және 20 жастағы екі жігіт ұсталды

Фото ашық дереккөзден

Алматыда екі ер адам ломбард қызметкерлерін алдап, тонап кеткен. Бұл туралы Алматы қалалық полиция департаменті мәлім етті, деп хабарлайды Azattyq Rýhy.

Департамент мәліметінше, полицияға ломбард қызметкерлерінен бірнеше арыз түскен. Іздестіру нәтижесінде 24 және 20 жастағы екі жігіт ұсталды.

«Күдіктілер ломбардқа кіріп, сатылымда тұрған ұялы телефондарды тексеру үшін көрсетуін сылтауратып, қолына ұстай сала қашып кеткен. Кейбір жерлерде олардың заңсыз әрекеттері бейнебақылау камераларына түсіп қалған. Қазіргі уақытта ұсталғандар жасаған қылмыстық құқық бұзушылықтың 5 дерегі дәлелденді. Сотқа дейінгі тергеу ҚР ҚК-нің 191-бабы 2-бөлігі бойынша жүріп жатыр», – деді Алатау аудандық ПБ жанындағы полиция бөлімінің бастығы Құмарбек Кеншінбаев.

Белгілі болғандай, ұсталғандардың бірі осыған ұқсас қылмысы үшін сотты болған. Ол түрмеден жақында босап шықты.


 

 

×
Бұл желілік ресурстың ақпараттық өнімдері 18 жастан асқан адамдарға арналған.