Атырауда алаяқтықпен айналысқан деструктивті діни ағымның мүшесі сотталды

31 жастағы Атырау қаласының тұрғыны Ресейден жеткізілген көліктерді Қазақстанда тіркеуге көмектесемін деп әйел адамды алдаған. Сенімге кіру арқылы азаматшаның  850 мың теңгесін  иемденген, деп хабарлайды Azattyq Rýhy.

Уақыт өте келе арадағы келісімнің орындалмайтынына көзі жеткен азаматша полицияға шағымданған. Атырау облысы полиция департаменті Экстремизмге қарсы іс-қимыл басқармасының қызметкерлері жедел-іздестіру іс-шараларын жүргізу кезінде 1991 жылы туған күдіктіні ұстады.

«Аталған азамат деструктивті діни ағым мүшесі екендігі анықталды.

Қазіргі таңда күдікті сот шешімімен Қылмыстық кодекстің 190-бабы 3-бөлігімен 3 жылға бас бостандығынан айырылды», - деді Атырау облыстық ПД бастығы, полиция полковнигі Нұрхат Оразбаев.