«Nur Otan» партиясының кезектен тыс Съезіне 399 делегат сайланды

«Nur Otan» партиясының Атқарушы хатшысы Асхат Оралов Facebook парақшасында кезектен тыс Съезге 399 делегат сайланғанын мәлім етті, деп хабарлайды Azattyq Rýhy.

«Бүгін еліміздің барлық өңірлерінде Саяси кеңестердің отырыстары өтіп, олардың қорытындылары бойынша партияның кезектен тыс XXII Съезіне 399 делегат сайланды.

Өздеріңіз білетіндей, Мемлекет басшысы, партия Төрағасы Қасым-Жомарт Тоқаевтың шешімімен «Nur Otan»-ның Съезі 1 наурызға жоспарланған. Іс-шара барысында партия жұмысын одан әрі жаңғырту бойынша басымдықтарды талқылау жоспарланып отыр», - деп жазды Асхат Оралов.