Елімізде Ресейдің тағы бір вакцинасы тіркелді

Azattyq Rýhy

12-17 жас аралығындағы жасөспірімдерге арналған

Фото: ДСМ

2022 жылғы 19 ақпанда ҚР ДСМ Медициналық және фармацевтикалық бақылау комитеті «Гам-КОВИД-Вак-М»  дәрілік затына 8 ай мерзімге уақытша тіркеу куәлігін берді. Бұл туралы Azattyq Rýhy Денсаулық сақтау министрлігіне сілтеме жасап хабарлайды.

Гам-КОВИД-Вак-М - SARS-CoV-2 вирусы тудыратын коронавирустық инфекцияның алдын алу үшін векторлық вакцина, бұлшықет ішіне енгізуге арналған ерітінді, компоненті I-0,5 мл/доза + компоненті II-0,5 мл/доза, Ресей Федерациясында өндірілген.

«Вакцина Қазақстан Республикасының аумағында коронавирус инфекцияның пайда болуы мен таралуына болдырмау жөніндегі ведомствоаралық комиссия отырысының 2022 жылғы 10 ақпандағы хаттамасының және ҚР ДСМ  КМФБК «Дәрілік заттар мен медициналық бұйымдарды сараптау ұлттық орталығы» ШЖҚ РМК 2022 жылғы 17 ақпандағы қорытындысының негізінде тіркелді.

Спутник-М 12-17 жас аралығындағы жасөспірімдерге арналған», - делінген министрлік хабарламасында.

«Спутник М» мен «Спутник V» арасындағы айырмашылық аденовирустық бөлшектердің концентрациясының бес есе төмендеуі болып табылады, соның арқасында жасөспірімдер иммунитеті ересектерге арналған дозаны қолданумен салыстырғанда аз жүктемеге ұшырайды

×
Бұл желілік ресурстың ақпараттық өнімдері 18 жастан асқан адамдарға арналған.