Футболдан Қазақстан суперкубогы қашан басталады

Қазақстанның кәсіпқой футбол лигасы Суперкубок ойыны қашан басталатынын хабарлады, деп жазады Vesti.kz. 

2022 жылғы маусымның шымылдық ашар кездесуінде ел чемпионы «Тобыл» мен Қазақстан кубогының иегері «Қайрат» кездеседі. Бұл ойын 2 наурыз күні «Астана Аренада» өтеді. Матч елорда уақытымен 19:30-да басталады. 

Еске салайық, әу баста Қазақстан суперкубогына жоғарыдағы екі клубтан бөлек, өткен жылғы қола жүлдегер «Астана» және төртінші орын алған «Қызыл-Жар» таласуы керек еді. Бірақ күнтізбенің тығыз болуына байланысты командалардың саны қысқартылды.