КВИ таралуы бойынша Қызылорда облысы «сары» аймаққа енді

ҚР Денсаулық сақтау министрлігінің 30 қаңтарда жариялаған өңірлердегі эпидемиологиялық ахуалды бағалау матрицасына сәйкес, Қызылорда облысы «сары» аймаққа енді, деп хабарлайды Azattyq Rýhy.    

Матрица бойынша:

«Қызыл» аймақта: Нұр-Сұлтан, Алматы, Шымкент қалалары, Атырау, Алматы, Ақтөбе Ақмола, Шығыс Қазақстан, Батыс Қазақстан, Жамбыл, Маңғыстау, Қарағанды,Қостанай, Павлодар, Солтүстік Қазақстан облыстары;

«Сары» аймақта: Қызылорда облысы;

«Жасыл» аймақта: Түркістан облысы тұр.

Айта кетсек, өткен тәулікте республика бойынша 9 475 адамның коронавирус жұқтырғаны анықталды. Жалпы, еліміз бойынша COVID-19 вирусымен ауырғандар саны 1 057 783 адамға жетті. Сондай-ақ елімізде коронавирус пен пневмониядан бір тәулікте 18 адам көз жұмды.