«Яндекс. Такси» қызметіне қатысты тергеу басталды
Бұл туралы Үкімет отырысында айтылды
Бәсекелестікті қорғау және дамыту агенттігінің басшысы Серік Жұманғарин Үкімет отырысында «Яндекс.Такси» қызметіне қарсы тергеу басталғанын мәлім етті, деп хабарлайды Azattyq Rýhy.
«Қосымша, жедел желі арқылы алынған шағымдар аясында агенттік Экономикалық қызметті үйлестіру белгілері бойынша «Яндекс» такси агрегаторына қатысты тергеу тағайындады», - деді Серік Жұманғарин ҚР Үкіметі отырысында.
Сондай-ақ, ол БКО тауар биржасының сауда алаңын ұйымдастырушысына қатысты хабарламаларды орындамау фактісі бойынша тергеу жүргізіліп жатқанын атап өтті. Бас прокуратура Агенттік қызметкерлерін жұмылдыра отырып, нарықтың 102 субъектісіне қатысты, оның ішінде сауда-саттықты ұйымдастырушыларға қатысты тексерулерді бастады.
