Алматыда жаппай тәртіпсіздік кезінде 13 экологиялық бекет өртеніп кетті

Алматы қаласында бұзақылар 13 экологиялық бекетті өртеп кеткен. Бұл туралы Алматы қалалық Жасыл экономика басқармасы мәлім етті, деп хабарлайды Azattyq Rýhy.

Басқарма  мәліметінше, 13 экологиялық пост өртеніп кетті. Сонымен қатар, бұзақылар 4 бекетті сындырып, тонаған. Тек 2 бекет қана аман қалған. Қазіргі кезде 4 бекетті қалпына келтіру жұмыстары жүргізіліп жатыр, олар аптаның аяғына дейін іске қосылады. Ал 13 бекетті жөндеп, қалпына келтіру үшін біраз уақыт қажет.

Өртенген бекеттерді қала әкімі Бақытжан Сағынтаевтың тапсырмасына сәйкес орнынан алып тастап, жаңасын орнату бойынша жұмыстар қолға алынды. Сонымен қатар, бекеттер қалпына келтірілгеннен кейін жауапты қызметкерлер өз жұмыстарын жалғастыратын болады. Жаңа экологиялық бекеттердің жұмыстарының қайта толық қалпына келуі туралы ақпарат қосымша жарияланатын болады.