Елдегі тәртіпсіздіктер туралы фото, видео және аудиожазбаларды анонимді түрде жариялайтын сайт іске қосылды
Қазір прокурорлар жинау мен тіркеуді, сондай-ақ қылмыскерлерді бейнежазбалар бойынша сәйкестендіруді жүргізіп жатыр
Бас прокуратура еліміздегі жаппай тәртіпсіздіктер туралы фото, видео және аудиожазбаларды анонимді түрде жүктеуге мүмкіндік беретін сайтты іске қосты, деп хабарлайды Azattyq Rýhy.
Цифрлық даму, инновациялар және аэроғарыш өнеркәсібі министрлігімен бірлесіп жүзеге асырылған сайт stopterrorism.kz деп аталады.
Бас прокуратура мәліметінше, stopterrorism.kz сайтына азаматтар террорлық актілер мен жаппай тәртіпсіздіктер туралы фото, видео және аудиожазбаларды жасырын түрде жүктей алады.
"Қазіргі уақытта прокурорлар дәлелдемелерді жинау мен тіркеуді, сондай-ақ қылмыскерлерді бейнежазбалар бойынша сәйкестендіруді жүргізіп жатыр. Сонымен қатар, азаматтарға Call-center-115 нөміріне ұсынылған ақпарат үшін алғыс айтамыз", - делінген ресми хабарламада.
