Бизнеске келген шығын 94 млрд теңгеге жуықтады – «Атамекен»

«Атамекен» Ұлттық кәсіпкерлер палатасы Қазақстандағы тәртіпсіздік салдарынан бизнеске келген шығын туралы мәлімдеме жасады, деп хабарлайды Azattyq Rýhy.

Осы жылдың 10 қаңтары сағат 09.00-дегі жағдай бойынша байланыс орталығына 2774 қоңырау түсті.

Оның ішінде:

• Мародерлық мәселелер бойынша – 1406;
• форс-мажор – 39;
• блок-бекеттер – 2;
• зардап шеккен кәсіпкерлерді қолдау қоры бойынша – 3;
• жеке тұлғалардан түскен қоңыраулар – 1324.

Елдің 9 өңірінде  1488 нысанда орналасқан 1 319 бизнес субъектісі зардап шекті, оның басым бөлігі Алматы қаласында – 1399 нысанда орналасқан 1234 субъект.

Зардап шеккен бизнес салалары:

• Сауда – 1245;
• қоғамдық тамақтану – 25;
• қаржы секторы – 37;
• логистика – 9;
• БАҚ – 2.

Шығынның жалпы сомасы алдын ала есепке сәйкес 93,7 млрд теңгеден асты. Оның ішінде Алматы қаласына келген шығын – 92,2 млрд теңге.