Тараздағы алаңдардың бірінде орналасқан шырша өртенді

Azattyq Rýhy

Қазіргі уақытта өрттің шығу себебі анықталып жатыр

Фото ашық дереккөзден

Жаңа жыл келісімен Тараздағы тарихи-мәдени кешен алаңына орнатылған жасанды шырша өртеніп кетті. Шыршаның өртенген сәтін  орталыққа жиналған жұртшылық видеоға түсіріп алды.

Өрттің шығу себебі әзірге белгісіз. Оқиға орнына дереу өрт сөндіру қызметі жетті.

«2022 жылғы 1 қаңтарда сағат 00.06-да Тараз қаласында "Көне Тараз" тарихи-мәдени кешенінің алаңында жасанды жаңа жылдық шырша өрті орын алды, 15 ш.м. алаңда өрт 00:15-те ауыздықталып, сағат 00:20-да сөндірілді. Қаза болғандар мен зардап шеккендер жоқ», - делінген ТЖД таратқан хабарламада.

Қазіргі уақытта өрттің шығу себебі анықталып жатыр.

Қызыл жалынды сөндіру үшін ТЖД-нің 14 қызметкері мен 4 техника жұмылдырылды.

×
Бұл желілік ресурстың ақпараттық өнімдері 18 жастан асқан адамдарға арналған.