Астанада пандемияға қарсы акцияны қолдау мақсатында жаңа жылдық жүгіру өтеді

Azattyq Rýhy

Жарыс 31 желтоқсанда «Қазақ елі» монументі алаңында өтеді

Бүгін, 31 желтоқсанда Нұр-Сұлтан қаласында Қазақстан Тәуелсіздігінің 30 жылдығына және пандемияға қарсы акцияға арналған «Жаңа жылдық жүгіру-2022» өтеді, деп хабарлайды қала әкімдігінің ресми сайты.

Жарысқа қатысуға тілек білдірушілердің бәрі шақырылады. Бағдарламада жаппай жүгіру және скандинавиялық жүріс бар. Негізгі қашықтық – 2022 метр.

Жарыстың басты мақсаты – елордада бұқаралық спортты дамыту, Нұр-Сұлтан қаласының тұрғындары мен қонақтары арасында салауатты өмір салтын насихаттау және пандемияға қарсы бұқаралық спорттық акцияларға қолдау көрсету.

Жарыс 31 желтоқсанда «Қазақ елі» монументі алаңында өтеді. Басталуы 23:00-де, ал старт уақыты 23:20-да.

Шараны ҚР Мәдениет және спорт министрлігінің Спорт және дене шынықтыру істері комитеті мен Нұр-Сұлтан қаласының әкімдігі ұйымдастырады.

×
Бұл желілік ресурстың ақпараттық өнімдері 18 жастан асқан адамдарға арналған.