ШұғылCOVID-19: Бір тәулікте 720 адамнан коронавирус анықталды

Иран украиналық ұшақты қателесіп атып түсірген болуы мүмкін – БАҚ

Канада билігі ұшақ апатына қатысты жауап беруді талап етіп, қайғылы жағдайды жан-жақты тексеруге шақырды

Фото: reuters

Канаданың премьер-министрі Джастин Трюдо Тегеран маңында болған ұшақ апатына Иранды кінәлап отыр. Бұл туралы BBC хабарлайды.

«Бізде ұшақты ирандық зымыран атып түсіргені туралы көптеген дерек көздері бар. Мұны қателесіп жасауы да мүмкін», - деп мәлім етті Джастин Трюдо.

Канада билігі ұшақ апатына қатысты жауап беруді талап етіп, қайғылы жағдайды жан-жақты тексеруге шақырды.

8 қаңтар күні Тегеранда украиналық ұшақ апатқа ұшырап, борттағы 170 жолаушының бәрі қайтыс болды. Әуе апатынан Канаданың 63 азаматы көз жұмды.

Ұлыбритания премьер-министрі Борис Джонсон да осыған ұқсас мәлімдеме жасады.