ДСМ: «Омикрон» штамына байланысты елімізде жаңа шектеулер енгізіледі

Елімізде 3 желтоқсаннан бастап коронавирустың жаңа штамына байланысты шектеулер енгізіледі деп хабарлайды Azattyq Rýhy.

Бұл туралы Үкімет отырысында денсаулық сақтау бірінші вице-министрі Марат Шоранов мәлімдеді.

Белгілі болғандай, жаңа «омикрон» штамының пайда болуын ескере отырып, оның республика аумағына әкелінуіне жол бермеу мақсатында ведомствоаралық комиссия мынадай шешім қабылдады:

1. Ботсвана, Лесото, Намибия, Зимбабве, Мозамбик, Мадагаскар, Эсватини, Малави, Онтүстік Африка, Танзания және Гонконгтан шетел азаматтарының Қазақстанға келуін шектеу.
2. «Омикрон» нұсқасынан туындаған коронавирус жағдайлары анықталған Израиль, Чехия, Нидерланды, Бельгия, Ұлыбритания, Италия, Германия, Аустралия, Канада және Мысырдан келетін адамдар үшін вакцинациясы бар-жоғына қарамастан міндетті ПТР-анықтама талап ету.
3. «Омикрон» штамынан туындаған коронавирус жағдайлары анықталған елдерден келген адамдар ПТР нәтижесіне қарамастан 7 күнге оқшаулануы тиіс.