ШұғылЕлордада Парламент палаталарының бірлескен отырысы басталды

«Ақтөбе» клубының хоккейшілері қар құрсауында қалып қойды

Олар Қазақстан чемпионатының екінші кезеңіне бара жатқан

Фото: баспасөз қызметінен

«Ақтөбе» клубының хоккейшілері жоғарғы лигадағы кезекті ойынға қатысу үшін жолға шығып, қар құрсауында қалып қойған, - деп хабарлайды Azattyq Rýhy тілшісі «ҚазАвтоЖол»ҰҚ» АҚ баспасөз қызметіне сілтеме жасап. 

28 спортшы Ақтөбеден Петропавл қаласына Қостанай арқылы 5 қаңтарда жол жабылғанға дейін шығып кеткен. Олар Қазақстан чемпионатының екінші кезеңіне бара жатқан. Хоккейшілермен бірге екі бапкер және екі жүргізуші болған.

Кешкісін ауа райы бұзылып, ойыншылар Тимирязев - Сарыкөл - Солтүстік Қазақстан облысының шекарасы тасжолында тұрып қалған. 

Автобусты қар құрсауынан шығару үшін автогрейдер мен бульдозер көмегіне жүгінген. Тимирязев ауданының әкімі спортшылар үшін түскі ас ұйымдастырды. 

«Ойын 7 қаңтарда Петропавл қаласындағы Винокуров атындағы спорт кешенінде өтеді. «Ақтөбе» және «Қызылжар» хоккей клубтары кіл мықтыны анықтайтын болады», - делінген «ҚазАвтоЖол» хабарламасында. 

Тегтер: