Зарина Дияс Гонконгте өткен ITF турнирінде жеңіске жетті

Қазақстандық теннисші Зарина Дияс ITF сериясы бойынша Гонконгта өткен халықаралық турнирдің жеңімпазы атанды. Зарина Диястың финалдағы қарсыласы - WTA рейтингінде 72 орында тұрған, осы турнирдің бірінші ракеткасы, қытайлық Чжу Линь.

Зарина Дияс қытайлық қарсыласынан екі сет қорытындысы бойынша 6:4, 7:5 есебімен басым түсті.

WTA рейтингінде 77 орында тұрған енді Зарина Дияс алдағы күндері «Shenzhen Open» ашық турнирінде бақ сынайды. Оның бұл жарыстағы алғашқы қарсыласы – қытайлық Йин-Йин Дуань.

Бұл Зарина Диястың 10-шы жеңісі. WTA сериясы бойынша бір ғана рет (2017 жылы Токио), ITF сериясы бойынша 9 мәрте халықаралық турнирде жеңімпаз атанып отыр.