Илон Масктың табысы 1 трлн долларға жетуі мүмкін

Американдық Tesla Inc.негізін қалаушы Илон Маск SpaceX-тің арқасында "триллионер" бола алады, деп жазды Morgan Stanley талдаушысы Адам Джонас.

Илон Маск осы жылдың басында Amazon.com сайтының негізін қалаушы Джефф Безостан озып, ең бай адам болды. Ол бүгінге дейінгі табысына негізінен Tesla арқасында қол жеткіген. Бірақ 200 миллиард долларға бағаланған SpaceX ғарыш саласындағы бизнесі Масктың дәулетін 1 трлн долларға дейін арттыратын алаңға айналады, дейді сарапшы. SpaceX – бұл бір бағытта шоғырланған және әртүрлі салаларды қамтитын көптеген шағын компаниялар тобы, олардың ішінде ғарыштық инфрақұрылым, Жерді бақылау және ғарышты зерттеу қыметтері бар. SpaceX-тің ең үлкен бөлімшесі – Starlink спутниктік байланыс бөлімшесі.